Segund è vegnì Andrin Beeli. Il spezialist da mountainbike da Sagogn ha pers ina buna mesa minuta sin il victur dal chantun Son Gagl. Cumplettà il podest sco terz ha Fadri Barandun da Samedan.
Ina buna prestaziun ha er Vital Albin mussà. Il mountainbiker da Tersnaus è vegnì 6avel. Dominik Bieler da Cuira è vegnì 8avel ed è uschia stà il pli spert junior.
Alessia Nay triumfescha tar las dunnas
La pli sperta dunna è stada Alessia Nay. La giuvna da Zezras ha gudagnà il sprint final encunter Daniela Höfler da Fläsch. Cumplettà il podest sco terza ha Chiara Solèr, la spezialista da mountainbike da 15 onns da Lumbrein. Ella ha cuntanschì l’arrivada paucs tschientavels avant sia mamma Carla Solèr-Candinas.
Tut en tut èn radund 130 ciclistas e ciclists stads a la partenza.