Cursa d'orientaziun - L'elita mundiala da la cursa d’orientaziun a Ftan
En vista al campiunadi mundial da cursa d’orientaziun s’entaupa l’elita mundiala per ina cursa da test en Engiadina Bassa. Bundant in mais avant il campiunadi mundial en Surselva a Flem testeschan radund traiatschient atletas ed atlets da trenta differents pajais a Ftan.
L'elita mundiala da la cursa d'orientaziun fa in test a Ftan avant il campiunadis mundials a Flem
05:18 min, ord Actualitad dals 06.06.2023.
Maletg: RTR
laschar ir. Durada: 5 minutas 18 Secundas.
Per la quarta giada ha lieu il campiunadi mundial da la cursa d’orientaziun en Svizra e per l’emprima giada en il Grischun: a Flem. Il fanadur vegn la Surselva ad esser il epicenter mundial da la cursa d’orientaziun. 300 atletas ed atlets da passa 50 naziuns vegnan alura ad esser da la partida. La delegaziun svizra va cun grondas ambiziuns a la partenza. Ella ha drizzà ora l’entira preparaziun sin quest campiunadi mundial. Ils campiunas mundials Daniel Hubmann e Matthias Kyburz han la finamira da cuntanscher ina medaglia.
Il campiunadi mundial da la cursa d’orientaziun
Avrir la boxSerrar la box
Il campiunadi mundial da la cursa d’orientaziun a Flem il fanadur è in campiunadi mundial da guaud. I vegn a dar cursas en trais disciplinas. Sin la distanza media, sin la distanza lunga ed ina cursa da staffetta. Il campiunadi mundial da cursa d’orientaziun en il guaud vegn organisada alternond cun campiunadis mundials da sprint. Questa furma da cursas, nua che i vegn barattà tranter cursas en il guaud e cursas da sprint dat i en il sport da la cursa d’orientaziun dapi quatter onns.
Impressiun da la cursa d'orientaziun a Ftan
1 / 7
Legenda:
RTR
2 / 7
Legenda:
RTR
3 / 7
Legenda:
RTR
4 / 7
Legenda:
RTR
5 / 7
Legenda:
RTR
6 / 7
Legenda:
RTR
7 / 7
Legenda:
RTR
Test a Ftan/Fionas
Per ils atlets e las atletas èsi scumandà da trenar enturn Flem, per quai èn var 300 dad els ed ellas vegnidas en Engiadina Bassa a Ftan per in test. Ftan ha l'avantatg ch'il terren è sumegliant sco quel Flem. Gista per las grondas naziuns en la cursa d'orientaziun sco la Norvegia, la Svezia u la Finlanda ha quest test ina grond'impurtanza en lur preparaziun.
