Emprima lutga, emprima victoria per Armon Orlik

La stagiun da lutga ha cumenzà bain per il meglier lutgader grischun da la davosa stagiun. Da l’emprima lutga da la stagiun ha Armon Orlik gist pudì festivar l’emprima victoria Il lutgader grischun ha gudagnà la lutga «Rheintal Oberländisches» a Trübbach en il chantun Son Gagl.

Dus lutgaders. Bild in Lightbox öffnen.

Legenda da maletgs: Ils dus lutgaders Daniel Bösch ed Armon Orlik (da san.). Archiv. Keystone

Armon ha gudagnà tut las sis lutgas da la festa a Trübbach. Tranter auter era la lutga encunter il victur da la festa da lutga dad Unspunnen Daniel Bösch. Quai è stà senza dubi la basa per il success dal lutgader grischun. Cun blera confidenza en sasez ha Orlik pudì cuntinuar la festa. En la lutga finala ha el lura anc era gudagnà encunter Lutz Scheuber ch’è restà senza schanza encunter Orlik.

Sco l'onn passà

Gia la stagiun passada aveva Orlik gudagnà la festa «Rheintal Oberländisches». Quai era il tun da partenza per la meglra stagiun dal giuven lutgader grischun cun il punct culminant la lutga finala da la festa federala ad Estavayer.

RR novitads 20:00