Cuira 97 II vs. A.S. Moesa — 5:1
Questa giada n'è il gieu betg stà tant gulivà sco l'onn passà. Lura aveva Moesa pers pitramain suenter la lutga da penaltis. Fitg baud ha Cuira 97 sajettà l'emprim gol. Suenter è l'emprima mesadad stada pulit gulivada. Fin curt avant la pausa, cura che Cuira ha pudì engrondir l'avantatg cun il 2:0.
En la segunda mesadad ha il A.S. Moesa bain pudì tegnair pitg. Decidì il gieu ha Cuira pir suenter la 60avla minuta cun sajettar 2 ulteriurs gols aifer paucas minutas. Mosa ha bain anc pudì sajettar il gol d'onur, però betg senza la resposta clera da Cuira cun il gol final al 5:1 ed a la victoria da la Cuppa grischuna 2019.
Tusaun/Cazas vs. Domat — 2:0
Las ballapedistas da Domat èn bain stadas motivadas ed han gì schanzas en l'emprima mesadad. Ellas n'han però betg pudì realisar ellas, uschia che Sarina Jenny ha sajettà Tusaun/Cazas en avantatg cun 1:0. Uschia èsi era ì en la pausa.
En la segunda mesadad ha dominà lura Tusaun/Cazas ed Ella Kurzer ha fatg il segund gol per las favuritas. Quai ch'è restà il resultat final e munta la 7avla Cuppa grischuna per Tusaun/Cazas aifer ils ultims 10 onns, e la 5avla en seria.
RTR live, 13:20
