L'EHC Cuira ha sajettà en l'emprim ed en il segund terz mintgamai in gol cunter Martigny. Ils Vallesans han pir pudì scursanir curt avant la fin da la partida. Uschia è il 2:1 en favur dals Grischuns restà il resultat final.
Arosa, ch'è ensemen cun Cuira al timun da la tabella, perda ordaifer cunter il HC Düdingen Bulls cun 0:1. Ils Friburgais tutgan gia suenter 1:49 e suenter na datti nagins gols pli.
En la 2. liga ha l'EHC San Murezzan pers a chasa cunter SV Weinfelden cun 2:3. Weinfelden è segund da la tabella da la segunda liga regiunal ost. L'EHC Lai-Valbella ha gudagnà ordaifer cunter ils EHC Dürnten Vikings cun 7:6 suenter prolungaziun. Era ina victoria gartegia al Club da Hockey Engiadina, cun 7:5 batta il CdH ils d'Uzwil.
Il HC Partenz Signuradi ha pers cunter l'emprim da la tabella, il HC Lucerna, cun 1:2.
