Halfpipe umens: Ils umens mussan la gronda show: Scotty James (AUS) cuntanscha en l'emprim run 94 puncts; en il segund vegn el sin «mo» 90,50 puncts. Davos el procura Valentino Guseli per ina victoria dubla australiana. Il Giapunais Ruka Hirano siglia sin rang 3. Per finir procura Chaeun Lee per tensiun: il Corean emprova back-to-back in triple cork. Insatge che nagin n’ha anc mussà cun success en ina concurrenza. El vegn fitg datiers al success, sto dentant interrumper il davos mument e sa tschenta cunquai be sin rang 7.
- Scotty James (AUS) 94,00
- Valentino Guseli (AUS) 92,25
- Ruka Hirano (JPN) 90,00
- Chase Blackwell (USA) 88,00
- Shuichiro Shigeno (JPN) 85,25
Halfpipe dunnas: En il champ decimà da mo tschintg atletas sa tschenta la Giapunaisa Mitsuki Ono quatter puncts avant l'Americana Bea Kim. Be trais da las tschintg atletas pon striunar in gir schuber sin la naiv, ed atterrar uschia meritadamain sin il podest.
- Mitsuki Ono (JPN) 81,75
- Bea Kim (USA) 77,50
- Ruki Tomita (JPN) 60,50
- Chloe Kim (USA) 23,50
- Jiayu Liu (CHN) 17,00
Julia Marino e Liam Brearley gudognan il slopestyle
Slopestyle dunnas: Julia Marino dals Stadis Unids traglischa en omadus percurs e gudogna cun in dumber da puncts da 83.08. Davos ella daventa la Tudestga Annika Morgan segunda, l'Austriaca Anna Gasser sa tschenta sin rang 3. Marino po anc s'augmentar en il segund run, quai che fa la fin finala la differenza decisiva tar Morgan che sa megliurescha anc sco davosa sin rang 2.
Il podest:
- Julia Marino (USA) 83,08
- Annika Morgan (GER) 80,75
- Anna Gasser (AUT) 75,93
Slopestyle umens: Liam Brearley dal Canada decida la concurrenza sco ultim dals atlets. Grazia ad 89,93 puncts sa plazzescha el avant Ryoma Kimata dal Giapun ed il cumpatriot Cameron Spalding. Quai dat ad el sia emprima victoria en la cuppa mundiala.
Il podest:
- Liam Brearley (CAN) 89,93
- Ryoma Kimata (JPN) 85,31
- Cameron Spalding (CAN) 83,90
