Siglir tar il cuntegn

Header

video
Cla-Ursin Nufer ed Annina Tomaschett a la recruta da sport
Or da RTR Social dals 16.06.2021.
laschar ir
cuntegn

Magglingen Sport d'elita en l'Armada svizra

Il concept da la promoziun dal sport d’elita ha en mira da cumbinar il sport d’elita optimal cun il servetsch militar. Dapi passa 20 onns sustegn l’Armada svizra uschia sportistas e sportists d’elita.

Sportistas e sportists cun finamiras internaziunalas pon frequentar a Magglingen la recruta da sport che cuzza 18 emnas. Far diever da quest servetsch pon umens e dunnas. Durant las emprimas emnas absolvan ils recruts la scolaziun da basa militara. Silsuenter stat pli e pli fitg il sport en il focus. Mintgin trenescha individual. Vitiers vegnan blocs da scolaziun, nua ch’ils recruts emprendan per exempel co ir enturn cun las medias u co chattar il meglier sponsurs. Er survegnan ils sportists inputs davart il doping, il nutriment u la regeneraziun.

Adina dapli recruts a Magglingen

La recruta da sport a Magglingen vegn manada atras duas giadas ad onn. La primavaira cumenzan normalmain ils sportists d’enviern questa scola da recrut, l’atun ils sportists da stad. Mez avrigl èn 55 sportistas e sportists sa rendì a Magglingen, tranter els er la tiradura da Trun, Annina Tomaschett (20 onns), ed il passlungist da Rueras, Cla-Ursin Nufer (19 onns). Fin il 2023 vul l’armada svizra augmentar il dumber da recruts sin 70 per scola da recrut.

Da Cologna fin Schurter

Ils davos onns è la recruta da sport ch'è naschida il 1998 adina vegnida pli attractiva, quai tant tar ils umens sco er tar las dunnas. Divers campiuns mundials e campiuns olimpics èn ì questa via, tranter els per exempel il passlunghist Dario Cologna, il mountainbiker Nino Schurter, il skiunz Carlo Janka, il snowbordist Nevin Galmarini u er Jolanda Neff, campiunessa mundiala da mountainbike.

Actualitad 07:00 uras

Artitgels legids il pli savens

Scrollar a sanestra Scrollar a dretga