Siglir tar il cuntegn

Header

audio
Menduri Kasper davart la collavuraziun cun Daniel Koch
Or da Actualitad dals 05.07.2020.
laschar ir. Durada: 03:38 minutas.
cuntegn

Maraton da skis engiadinais Mr. Corona Daniel Koch sustegna l'organisaziun

Ils organisaturs dal maraton da skis engiadinais han pudì prender Daniel Koch en la bartga. L'anteriur manader per malsognas transmissiblas da la Confederaziun ha in mandat da cussegliader.

Sustegn prominent per ils organisaturs dal Maraton da skis engiadinais. En vista a la preparaziun sin il proxim maraton ch'è il mars da l’onn che vegn, han ins pudì engaschar l’expert Daniel Koch. Enfin questa primavaira è el stà il manader per malsognas transmissiblas tar l'Uffizi federal da sanadad BAG ed è vegni uschia enconuschent ad in vast public sco «Mister Corona».

Daniel Koch cusseglia il maraton da skis
Legenda: Daniel Koch cusseglia il maraton da skis MAD, Menduri Kasper

Gia uss pensar vid tuttas pussaivladads

Ensemen cun Daniel Koch stipuleschan ils organisaturs dal Maraton da skis engiadinais differents concepts da segirezza. In grond problem da l’ediziun da l’onn proxim è segir la gronda massa da curriduras e curridurs che vulan far part a quest classicher. Ensemen cun l'expert elavuran ins uss ils concepts da segirezza. La lavur saja intensiva, dentant era interessanta. E cun Daniel Koch han ils organisaturs dal maraton in expert fitg cumpetent en la bartga.

RTR novitads 06:00

Artitgels legids il pli savens

Scrollar a sanestra Scrollar a dretga