Siglir tar il cuntegn

Header

video
Mauro Caviezel terminescha sia carriera - el declera ils motivs
Or da Telesguard dals 12.01.2023.
laschar ir. Durada: 1 minuta 24 Secundas.
cuntegn

Mauro Caviezel: «Jau n'hai naginas regurdientschas da quest di»

Era suenter ses segund trauma dal tscharvè era Mauro Caviezel atgnamain pront dad anc ina giada cumbatter e turnar. Sin sia glista haja el scrit plirs arguments pro. Quels contra sajan dentant stads pli clers.

Sia carriera avess gia pliras giadas pudì esser a fin, declera Mauro Caviezel, guardond sin las bleras blessuras ch'han adina puspè franà il skiunz grischun. Surtut suenter ses trauma dal tscharvè avant dus onns saja la via enavos stada difficila. Suenter ses grev accident il november a Lake Louise, cun in ulteriur trauma dal tscharvè, era el en ses chau atgnamain pront dad anc ina giada cumbatter per turnar.

audio
Mauro Caviezel chala da far cursas da skis
ord Actualitad dals 12.01.2023. Maletg: Keystone
laschar ir. Durada: 2 minutas 53 Secundas.
Jau n'hai absolut naginas regurdientschas da quest di.
Autur: Mauro Caviezel Anteriur profi-skiunz

Quai na pudair sa regurdar lascha er a Mauro Caviezel tschentar la dumonda sch'el era quest di propi 100% pront per il comeback a Lake Louise. E la ristga dad anc ina giada vegnir en uschè ina situaziun, na saja betg da responsar envers el e sia sanadad e surtut era envers sia partenaria e sia famiglia.

El conceda dentant era ch'i saja stà ina greva decisiun da propi terminar sia carriera, da chalar cun quai ch'el haja fatg da pitschen si cun tant plaschair ed engaschi. Il sport da skis hajà dà enavos ad el uschè bler, bleras emoziuns ed era blers success. Ils pli gronds segir la culla pitschna da cristal sco meglier en la disciplina Super-G (2019/20) e lura segir sia medaglia da bronz en la cumbinaziun al campiunadi mundial a San Murezzan (2017). En la cuppa mundiala è el stà 12 giadas sin il podest.

Igl è stà ina scola da vita, la vita da skiunz. Ella m'ha caracterisà, furmà e fatg tar quel che jau sun oz. Per il proxim chapitel sun jau avert ed era spannegià tge che la vita ha anc pinà per mai.
Autur: Mauro Caviezel Anteriur skiunz da skis
audio
Valitaziun da la carriera da noss redactur da sport Andreas Wieland
ord Actualitad dals 11.01.2023. Maletg: Keystone
laschar ir. Durada: 6 minutas 38 Secundas.

Or da l'archiv:

video
Retschaviment dals gudagnaders da medaglias
Or da Telesguard dals 11.03.2006.
laschar ir. Durada: 42 Secundas.

RTR novitads 18:00

Artitgels legids il pli savens

Scrollar a sanestra Scrollar a dretga