Il sportist da 26 onns da Sagogn ha annunzià la fin da sia carriera en la cuppa mundiala envers las gasettas da Somedia. Sch'el fa anc in'emprova en la seria da maratons, u sch'el chala dal tut cun il sport da prestaziun, vul il Sursilvan decider las proximas emnas.
La meglra rangaziun che Andrin Beeli ha cuntanschì en la cuppa mundiala, è stà il plaz 41 l'onn passà a Nove Mesto. Era questa stagiun n'è el betg vegnì sin turas, tant en la cuppa mundiala sco era en il Swiss Bike Cup.
