Siglir tar il cuntegn

Header

cuntegn

Mountainbike Quasi in mez milliun per «Swiss Epic Grischun»

La cursa da mountainbike «Swiss Epic» duai er en l'avegnir avair lieu en il Grischun – quai suenter las quatter ediziuns dals onns 2019 fin 2022. Perquai conceda la Regenza ina contribuziun annuala da 160'000 francs per l'event da mountainbike internaziunal. Sco ella scriva en ina communicaziun vala quai per las occurenzas dals onns 2024 fin 2026.

Cursa duai restar en il Grischun

Diversas destinaziuns en Svizra ed en il territori alpin surpigliassan gugent questa occurrenza. Enfin la fin da l'onn vegn l'organisatura, la Ironman Switzerland, a prender ina decisiun a favur dal Grischun – sche la participaziun finanzialas da las destinaziuns e dal chantun pon vegnir garantidas fin lura.

La regenza grischuna accentuescha la muntada per il turissem grischun: Per las cursas l'avust u il settember vegnan spetgads mintgamai durant in'emna var 800 fin 1'000 participantas e participants. Ils profis ed amaturs da circa 40 naziuns vegnan accumpagnads da var 600 ulteriuras persunas, uschia ch'ins po far quint cun circa 10'000 pernottaziuns.

La «Epic-Series» cumpiglia cursas da mountainbike en etappas che han lieu sin trais continents. Il punct culminant da la stagiun è il «Cape Epic» en l'Africa dal Sid che vala sco «Tour de France» dal sport da mountainbike.

video
Impressiuns dal Swiss Epic 2022
Or da RTR Social dals 19.08.2022.
laschar ir. Durada: 1 minuta 3 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga