Las duas squadras grischunas en la pli auto liga da hockey d'amaturs fineschan la qualificaziun sin plaz dus e trais.
L'EHC Cuira ha pers ses ultim gieu da la qualificaziun cun 2:3 cunter l'EHC Frauenfeld. Il club da la chapitala finescha tuttina la qualificaziun sin plaz 2 – in punct davant l'EHC Arosa. Quel gudogna sia partida a chasa cleramain cunter l'EHC Dübendorf cun 6:0.
Ils playoffs cumenzan ils 25 da favrer. L'EHC Cuira frunta là sin Hockey Huttwil, ed Arosa sa mesira cun l'EHC Seewen.