Siglir tar il cuntegn

Header

cuntegn

Norbert Cavegn «La visiun da terminar il Cape Epic resta»

Avant in onn èn Norbert Cavegn e Ronny Cavegn sa participads per l’emprima giada al Cape Epic en l’Africa dal Sid. Enstagl da turnar a chasa sco «finishers» da questa cursa extrema han els stuì bandunar l’Africa dal Sid cun malsognas e blessuras.

audio
Norbert Cavegn davart sia premiera al Cape Epic il 2022
ord Actualitad dals 23.03.2023. Maletg: RTR
laschar ir. Durada: 5 minutas 3 Secundas.

Ronny Cavegn ha stuì terminar la cursa gia suenter l’emprima etappa pervia d'ina embolia dal lom. Norbert Cavegn ha lura cuntinuà la cursa persuls, dentant stuì ceder avant l’etappa finala perquai ch’el è crudà ed ha rut ina spatla.

audio
Norbert Cavegn davart la cursa extrema giudem l'Africa
ord Actualitad dals 23.03.2023. Maletg: RTR
laschar ir. Durada: 6 minutas 9 Secundas.

Sinaquai ha il duo lumnezian prendì in zic distanza dal Cape Epic ch’els persequiteschan questa giada be davent da chasa. Sutterrà il project Cape Epic n’han Norbert e Ronny Cavegn dentant betg. Els èn sa decidids da prender part a l’ediziun 2024, lura cun la finamira da terminar questa cursa che vala sco la pli dira cursa da mountainbike dal mund, er numnada il Tour de France dals mountainbikers.

Actualitad 11:00 uras

Artitgels legids il pli savens