Il 5 da zercladur ha lieu la notg da sport grischuna, nua ch'i vegn surdà il premi per la sportista u il sportist da l'onn. Vus pudais votar per Vossa sportista favurita u Voss sportist preferì.
Il voting tar RTR vala ensemen cun in voting tar la «Suedostschweiz» 50% per la decisiun durant la notg da sport grischuna. Ils ulteriurs pertschients decida ina giuria.
Tgi daventa sportista u sportist grischun da l'onn?
Cumenzament da la gallaria da maletgs
Sursiglir la gallaria da maletgs
-
Bild 1 von 6. Leoni Balzer, hockey sin glatsch. Il pli grond success pudeva Leoni Balzer festivar quest onn als gieus olimpics cun la medaglia da bronz cun la squadra naziunala da las dunnas. Bildquelle: Keystone.
-
Bild 2 von 6. Christian Biäsch, lutga. Il 2025 ha Christian Biäsch survegnì in cranz federal a la Festa federala da lutga e da gieus alpesters (ESAF). Plinavant ha el pudì celebrar ulteriuras victorias e buns resultats ad autras lutgas. Bildquelle: Keystone.
-
Bild 3 von 6. Lara Heini, unihockey. Titel da campiunadi mundial cun la squadra naziunala da las dunnas 2025. Ella è vegnida elegida en il WM-All-Star-Team 2025. La stagiun 2024/25 è ella daventada per la segunda giada meglra golia da la liga. Bildquelle: Keystone.
-
Bild 4 von 6. Nadja Kälin, passlung. Ils gieus olimpics da Milano-Cortina 2026 èn stads per Nadja Kälin in enorm success. Ella è turnada cun ina medaglia d'argient en il sprint da teams ensemen cun Nadine Fähndrich ed ina medaglia da bronz en il 50km classic. Bildquelle: Keystone.
-
Bild 5 von 6. Lea Meier, biatlon. Era per Lea Meier èn ils gieus olimpics 2026 stads impurtants. Ella ha fatg en il 15km individual il 7avel rang ed ha cun quai survegnì in diplom olimpic, sco era en la staffetta da las dunnas cun il 8avel rang. En il sprint sur 13km è ella daventada 13avla. Al sprint a Realp è ella daventada campiunessa svizra. Bildquelle: Keystone.
-
Bild 6 von 6. Jakub Paul, tennis. Jakub Paul ha gudagnà 5 Challengers en la concurrenza dubla. Ses pli ferm resultat en la concurrenza individuala è stà in 3. rang tar il Challenger da Zug. El è il meglier giugader en la concurrenza dubla en la Svizra. Bildquelle: Keystone.
Fin da la gallaria da maletgs
Returnar al cumenzament da la gallaria da maletgs.
Ulteriuras nominaziuns en differentas categorias
Durant la notg da sport grischuna vegnan er undradas autras persunas u uniuns, tranter auter datti nominaziuns per la nova generaziun en la categoria «Newcomers». Autras categorias èn l'uniuns da sport e funcziunarias e funcziunaris.
En la categoria dals «Newcomers» èn nominadas
- il passlunghist Roman Alder cun 22 onns,
- la tiradura Martina Herrli cun 21 onns
- e la snowboardista alpina Xenia Von Siebenthal cun 19 onns.
Tar las uniuns èn nominadas
- il «Club da hockey Engiadina» cun Ruedi Haller sco president,
- ils «Iron Marmots Unihockey» cun Valérie Favre Accola sco presidenta
- e «Moesa Volley» cun Pattrick Mottis sco president.
Nominads sco funcziunarias e funcziunaris èn
- André Müller per il CAS turas da skis,
- Peter Schärrer per l'Uniun grischuna da skis (BSV)
- e Marco Zappala per l'Associaziun grischuna da ballape (BFV).