Sportista u sportist grischun da l'onn: ils nominads
-
Bild 1 von 6. Biatlon: Aita Gasparin (31) da Puntraschigna. Bildquelle: Keystone.
-
Bild 2 von 6. Passlung: Valerio Grond (24) da Tavau. Bildquelle: Keystone.
-
Bild 3 von 6. Atletica leva: Annik Kälin (25) da Grüsch. Bildquelle: Keystone.
-
Bild 4 von 6. Ballape: Corsin Konietzke (18), naschì en la Germania, ha dentant giugà sco giuven per il FC Landquart e il FC Ems. Bildquelle: Keystone.
-
Bild 5 von 6. Ski alpin: Thomas Tumler (35) da Samignun. Bildquelle: Keystone.
-
Bild 6 von 6. Raiver sin glatsch: Benjamin Bosshard (35) da Degen. Bildquelle: Keystone.
Sch'i va per raiver sin glatsch è il Grischun, Benjamin Bosshard (35) da Degen, en la Lumnezia, in dals megliers dal mund. La stagiun d'enviern passada è el daventà victur dal classament general da la cuppa mundiala e vitiers è el er anc vegnì campiun europeic.
La biatleta da Samedan, Aita Gasparin (31), ha mussà ferma prestaziuns la stagiun passada. Ensemen cun Niklas Hartweg ha l'Engiadinaisa gudagnà la staffetta singula maschadada a Pokljuka, en la Slovenia – per la Svizra è quai stà l'emprima victoria da la cuppa mundiala en questa disciplina.
Il passlunghist da Tavau, Valerio Grond (24), fa dapi l'avrigl 2023 part al cader naziunal da Swiss Ski. Il 2024 è Valerio Grond per l'emprima giada sa tschentà sin il podest d'ina cuppa mundiala: el ha fatg il terz plaz al sprint a Lathi. en la Finlanda.
Annik Kälin (25) da Grüsch è il grond talent grischun da l'atletica leva. Als gieus olimpics a Paris ha la Grischuna il 2024 procurà per grond battacor tar bleras Grischunas e Grischuns cun ses quart rang en il heptatlon.
En il mund dal ballape hai dà grond laud per Corsin Konietzke (18) ch'è creschì si a Malans ed ha pli baud giugà per il FC Landquart ed il FC Ems. 2024 ha il giuven per l'emprima giada dastgà star sin la plazza en la Super League per ses club FC Son Gagl – cun curascha ha el nizzegià questa schanza e persvadì sin tutta lingia.
La stagiun passada da ski alpin hai pluvì medaglias per la Svizra als campiunadis mundials en la Norvegia. Il skiunz da Scuol, Thomas Tumler (35), ha cumplettà il podest resch svizzer e pudì celebrar la medaglia da bronz en il slalom gigant.
Newcomer da l'onn:
-
Bild 1 von 3. Skeleton: Sara Schmied (19) da Schlarigna. Bildquelle: RTR.
-
Bild 2 von 3. Ski alpin: Lara Bianchi (17) da Sursaissa. Bildquelle: RTR.
-
Bild 3 von 3. Passlung: Nina Cantieni (17) da Samedan. Bildquelle: RTR.
Lara Bianchi (17) da Sursaissa ha festivà l'onn passà ses pli grond success da sia carriera da skis. Als gieus olimpics europeics en Georgia ha la sportista giuvna gudagnà aur en il slalom gigant e fatg impressiun.
La passlunghista giuvna da Samedan, Nina Cantieni (17), è turnada l'onn passà cun gist trais medaglias dal festival olimpic europeic a Bakuriani, en la Georgia: aur en la disciplina sprint, bronz en la cursa sur 5 kilometers e bronz en il stil classic.
L'atleta da skeleton, Sara Schmied (19) da Schlarigna, ha l'onn passà cumplettà sia emprima stagiun tar ils profis ed è daventada la campiunessa mundiala tar las junioras da la categoria U20. Vitiers è la Grischuna vegnida segunda tar las junioras U23.
Ulteriuras categorias
Trenader da l'onn:
- Ski alpin: Toni Calonder
- Dar tgeiels: Beat Freiburghaus
- Ballarait: Martin Krättli
Uniun da l'onn:
- Gimnastica ritmica: basa RG Südostschweiz
- Nudar da salvament: SLRG Chur
- Tennis: TC Domat-Ems