Siglir tar il cuntegn

Header

Christian Modes ist der neue Geschäftsführer des Eishockeclubs Arosa.
Legenda: Il nov mainafatschenta da l'EHC Arosa, Christian Modes. Christian Modes, EHC Wetzikon
cuntegn

Nov mainafatschenta Christian Modes è da nov al timun da l'EHC Arosa

L'um da 50 onns suonda ad Adrian Fetscherin che aveva annunzià avant curt da bandunar il club suenter sis onns. Sco l'EHC Arosa communitgescha, haja Christian Modes gronda experientscha il sport da hockey e saja sa cumprovà en diversas posiziuns da manar.

Suenter divers onns sco defensur sin il glatsch tar ils clubs da la 1. liga EHC Winterthur, EHC Wettingen ed EHC Schaffhausen, ha Christian Modes cumenzà sia carriera sco trenader. Sco ultim era el trenader principal tar l'EHC Wetzikon en la 1. liga. Sco il club grischun scriva en sia communicaziun, hajan ins pudì sa cunvegnir cun l'EHC Wetzikon uschia che Christian Modes stettia per immediat a disposiziun per sia nova funcziun. Tenor Modes saja l'EHC Arosa per el ina bella sfida tar in grondius club da tradiziun.

Las staziuns da Christian Modes en il hockey

Avrir la box Serrar la box
  • 1986-2005: Defensur tar ils clubs da Winterthur, Wettingen e Schaffusa en la 1. liga.
  • 2006 cumenzament sco trenader.
  • Ultim club sco trenader: EHC Wetzikon en la 1. liga.

Envers RTR ha Peter Röthlisberger dal cussegl d'administraziun da l'EHC Arosa manegià, che Modes saja fitg engaschà. E las finamiras dal club restan era cun il nov mainafatschenta autas.

audio
L'EHC Arosa davart l'engaschi da Modes
ord RTR Audio dals 25.01.2024. Maletg: EHC Arosa
laschar ir. Durada: 1 minuta 15 Secundas.

A partir dal cumenzament da l'onn ha il club grischun gia engaschà Livio Rutz sco collavuratur administrativ. El sustegnia il nov mainafatschenta, hai num en la communicaziun.

RTR novitads 09:00

Artitgels legids il pli savens