Siglir tar il cuntegn

Header

audio
Revistas 2021: Nino Schurter daventa per la 9avla gia campiun mundial
Or da Actualitad dals 30.12.2021.
laschar ir. Durada: 03:48 minutas.
cuntegn

Revista 2021 – Nino Schurter Da la trumpada al titel da campiun mundial

Il mountainbiker Nino Schurter po guardar enavos sin in onn fitg emoziunal. La gronda finamira è stada da gudagnar a Tokio ina quarta medaglia olimpica. Quai n’è dentant betg reussì. Schurter ha stuì sa cuntentar als gieus olimpics en il Giapun cun il quart plaz ed uschia cun la medaglia da tgirom.

  • Suenter questa trumpada n’ha Nino Schurter dentant betg laschar pender il chau. Bun in mais pli tard ha el fatg revanscha. En la Val di Sole en l’Italia è Schurter daventà per la 9avla giada campiun mundial ed ha uschia fatg taschair tut quels che avevan gia scrit giu in dals gronds campiuns da mountainbike insumma.
  • Cun il tricot da campiun mundial è Nino Schurter ì in’emna suenter ses triumf a Val di Sole a Lai a la partenza cun la finamira da gudagnar sia 33avla cursa da la cuppa mundiala per uschia egualisar il record da la legenda franzosa Julien Absalon. Schurter è dentant vegnì segund davos il Franzos Victor Koretzky uschia ch’el sto avair vinavant pazienza.
  • Malgrà ses 35 onns n’ha il mountainbiker oriund da Tersnaus anc betg avunda. El cuntinuescha sia carriera e prenda schizunt en mira ils proxims gieus olimpics il 2024 a Paris. I fissan suenter Beijing 2008 (bronz), Londra 2012 (argient), Rio 2016 (aur) e Tokio 2021 (tgirom) ses tschintgavels gieus olimpics da stad.

RTR actualitad 07:00

Artitgels legids il pli savens

Scrollar a sanestra Scrollar a dretga