Siglir tar il cuntegn

Header

video
Argient per Flückiger, tgirom per Schurter
Or da sil punct dals 26.07.2021.
laschar ir
cuntegn

Mountainbike Argient per Flückiger – tgirom per Schurter

En la quarta da set rundas ha il Brit surpiglià il timun da la cursa e davent da lura extendì pass per pass ses avantatg sin Mathias Flückiger. Il Svizzer ch'aveva ambiziuns sin la medaglia d'aur sto sa cuntentar cun la medaglia d'argient.

video
Flückiger na traglischa anc betg dal success.
Or da Tokyo 2020 Clips dals 26.07.2021.
laschar ir

Nino Schurter ha l'entschatta da la cursa anc pudì suenter, pli tard lura stuì suttacumber al tempo dal duo Pidcock e Flückiger. Ditg è el stà en in cumbat per la medaglia da bronz, la finala vegn Schurter quart e manchenta in'ulteriura medaglia a gieus olimpics, quai per be 8 secundas. Bronz va al Spagnol David Valero Serrano.

audio
Nino Schurter: «Sun tuttina cuntent cun mia cursa»
00:41 min, Actualitad dals 26.07.2021.
laschar ir. Durada: 00:41 minutas.
video
Schurter: «Forsa n'eran quai anc betg ils ultims gieus olimpics»
Or da Tokyo 2020 Clips dals 26.07.2021.
laschar ir
video
4. plaz olimpic per Nino Schurter – il discurs
Or da RTR dals 26.07.2021.
laschar ir

Il decurs da la cursa:

  • Mathieu van der Poel cupitga fermamain en l'emprima runda. El perda bunamain ina minuta.
  • Suenter ina runda maina Schurter avant Flückiger.
  • En la segunda runda ha Flückiger surpiglià l'emprim plaz, Schurter sin posiziun dus.
  • Ils dus Svizzers barattan la lavur da commando.
  • En la terza runda ha il Brit Thomas Pidcock surpiglià l'emprima posiziun, avant Schurter.
  • Flückiger sin posiziun quatter davos Cooper da la Nova Zelanda.
  • Runda 4: Thomas Pidcock surpiglia il timun e maina cun pitschen avantatg avant Flückiger, Schurter sin posiziun quatter.
  • Van der Poel ha dà si la cursa en la tschintgavla runda, la cupitgada ha frenà sias ambiziuns da medaglia.
  • Ultima runda: Pidcock po distanziar Flückiger e charrescha envers aur olimpic, cun in retard dad ina minuta cumbatta in trio cun Schurter per la medaglia da bronz.
video
La cupitgada spectaculara da Van der Poel
Or da Tokyo 2020 Clips dals 26.07.2021.
laschar ir

38 ciclists ord 29 naziuns han cumbattì per medaglias. Il traject che vala sco in dals megliers dal mund è ordaifer Tokio ed avess da correspunder a las abilitads da Schurter&Co. La cursa è ida sur 7 rundas à 3,85 km.

Ina valitaziun da noss reporter da sport:

audio
Analisa da la cursa olimpica entras Andreas Wieland
04:32 min, Actualitad dals 26.07.2021.
laschar ir. Durada: 04:32 minutas.

Avant la cursa

A campiunadis mundials ha Mathias Flückiger gia gudagnà intginas medaglias, per aur n'hai anc mai tanschì. Er dals gieus olimpics da stad en la Brasilia il 2016 è el turnà «be» cun in diplom (plazza 6). Quest onn ha Flückiger grondas ambiziuns. El vul gudagnar ina medaglia, sche pussaivel quella dad aur. Po el ademplir las spetgas en sa sez u è il squitsch memia grond?

Per Nino Schurter èn ils gieus a Tokio gia ses quarts gieus olimpics. Il Grischun posseda in'entir set da medaglias olimpicas. Ina quarta medaglia fiss perquai in bel supplement.

audio
Prevista cursa da MTB a Tokio – discurs cun Andreas Wieland
06:50 min, Actualitad dals 26.07.2021.
laschar ir. Durada: 06:50 minutas.

La fevra crescha er tar noss reporter da sport Andreas Wieland. Ella rapporta live en il radio RTR da la cursa da Cross Country dals gieus olimpics.

audio
Discurs cun Andreas Wieland curt avant la partenza da la cursa
03:56 min, Actualitad dals 26.07.2021.
laschar ir. Durada: 03:56 minutas.

Noss publicum è stà optimistic

77% da las persunas ch'èn sa participadas a noss'enquista han quintà che Nino Schurter fetschia danovamain ina medaglia olimpica.

La cursa da Nino Schurter tar RTR

Avrir la box Serrar la box

RTR rapporta da la cursa da cross country glindesdi, ils 26 da fanadur:

  • Al radio cun in'emissiun speziala 06:00 - 10:00, incl. commentari live da la cursa da cross country
  • Sin rtr.ch pudais guardar la cursa via livestream dad SRF 08:00 - ca. 10:00
  • La televisiun resumescha la cursa Sil punct las 17:45 sin SRF1

Plinavant porscha RTR era intervistas e videos dal sulet atlet rumantsch als gieus olimpics e nus essan sin visita tar ils geniturs da Nino Schurter.

Ils gieus olimpics tar RTR

Avrir la box Serrar la box

RTR tegna sin il current davart las prestaziuns sportivas a Tokio, cun in focus spezial sin ils dus atlets grischuns Nino Schurter e William Reais - dentant era cun resultats ed istorgias enturn la delegaziun svizra.

Plinavant preschenta radio RTR era il Giapun sper ils plazs da sport:

  • las 10:15 cun in schatg da la musica giapunaisa
  • las 11:45 cun in sguard sin la cultura, la cuschina e tradiziuns dal Giapun

Da tadlar live mintga di al radio ubain adina era sin rtr.ch.

RTR actualitad 06:00+

Artitgels legids il pli savens

Scrollar a sanestra Scrollar a dretga