Siglir tar il cuntegn

Header

audio
Tokio 2020: Ils geniturs da Nino Schurter èn cuntents
Or da Actualitad dals 26.07.2021.
laschar ir. Durada: 02:11 minutas.
cuntegn

Ernst e Franziska Schurter «A mai pareva el detg cuntent»

Ils geniturs, Ernst e Franziska Schurter, han guardà la cursa olimpica dal figl Nino a chasa a Tersnaus. Sperà avevan er els sin ina medaglia, dà hai tgirom. Ma tuttina èn els cuntents cun il quart plaz da Nino.

Per la medaglia giavischada n'hai betg tanschì. La finala èsi anc ì per la medaglia da bronz ch'el ha però stuì laschar ir. Ma tenor ses geniturs Ernst e Franziska h'haja Nino betg fatg la parita d'esser malcuntent cun questa quart plaz als gieus olimpics a Tokio.

Jau hai vis Nino en in'intervista sin SRF. A mai pareva el detg cuntent, el ha prendì quest quart plaz cun sang fraid, almain l'emprim mument. A mai ha parì ch'el possia viver cun quai.
Autur: Franziska Schurter Mamma da Nino

«Il mument essan nus anc ruassaivels»

audio
Ils geniturs da Nino Schurter plain speranza avant la cursa.
03:47 min, Actualitad dals 23.07.2021.
laschar ir. Durada: 03:47 minutas.

La fin d'emna era la tensiun tar ils geniturs Ernst e Franziska Schurter anc limitada. Ed els eran optimistics pertutgant las schanzas da medaglia da lur fegl Nino. Era sch'i n'era betg cler, sch'el vegnia ad agiuntar a ses set da medaglias olimpicas ch'el ha gia, propi anc in'ulteriura dad aur.

Gea, per ina medaglia tanschi. Ma jau na sai betg per tgenina.
Autur: Franziska Schurter (ils 23-7-2021) mamma

Ils geniturs eran pia da buna speranza. Nino saja saja partì cun in bun sentiment vers Tokio. El haja gì ina buna preparaziun en la Toscana e saja sa legrà da pachetar la cofra e sgular vers Tokio.

Er sche Nino turna a chasa senza medaglia, na mida quai nagut vid nossa relaziun.
Autur: Ernst Schurter bab

Era Vus essas stadas e stads optimistics

Qua il resultat da l'enquista ch'avain fatg avant la cursa da glindesdi avantmezdi. 77% da tut las vuschs èn sa mussadas persvasas che Nino fetschia ina medaglia.

E Nino Schurter sez?

video
4. plaz olimpic per Nino Schurter – il discurs
Or da RTR dals 26.07.2021.
laschar ir

RTR actualitad 17:00

Artitgels legids il pli savens

Scrollar a sanestra Scrollar a dretga