Per la medaglia giavischada n'hai betg tanschì. La finala èsi anc ì per la medaglia da bronz ch'el ha però stuì laschar ir. Ma tenor ses geniturs Ernst e Franziska h'haja Nino betg fatg la parita d'esser malcuntent cun questa quart plaz als gieus olimpics a Tokio.
Jau hai vis Nino en in'intervista sin SRF. A mai pareva el detg cuntent, el ha prendì quest quart plaz cun sang fraid, almain l'emprim mument. A mai ha parì ch'el possia viver cun quai.
«Il mument essan nus anc ruassaivels»
La fin d'emna era la tensiun tar ils geniturs Ernst e Franziska Schurter anc limitada. Ed els eran optimistics pertutgant las schanzas da medaglia da lur fegl Nino. Era sch'i n'era betg cler, sch'el vegnia ad agiuntar a ses set da medaglias olimpicas ch'el ha gia, propi anc in'ulteriura dad aur.
Gea, per ina medaglia tanschi. Ma jau na sai betg per tgenina.
Ils geniturs eran pia da buna speranza. Nino saja saja partì cun in bun sentiment vers Tokio. El haja gì ina buna preparaziun en la Toscana e saja sa legrà da pachetar la cofra e sgular vers Tokio.
Er sche Nino turna a chasa senza medaglia, na mida quai nagut vid nossa relaziun.
Era Vus essas stadas e stads optimistics
Qua il resultat da l'enquista ch'avain fatg avant la cursa da glindesdi avantmezdi. 77% da tut las vuschs èn sa mussadas persvasas che Nino fetschia ina medaglia.
