Mathias Flückiger parta sco in dals top favurits a la cursa olimpica da mountainbike, quai suenter sias prestaziuns en questa stagiun. El ha gudagnà gist pliras cursas da la cuppa mundiala e tranter auter er declassà Nino Schurter al campiunadi svizzer a Gstaad.
Nino Schurter è stà per mai il motor d’anc vegnir meglier. El ha adina motivà mai e senza Nino na fiss jau oz betg nua ch'jau sun.
audio
Sper Nino Schurter è era Mathias Flückiger a la partenza
ord Actualitad dals 22.07.2021.
laschar ir. Durada: 4 minutas 7 Secundas.
Auter che durant la cuppa mundiala, nua che mintgin dad els parta per in’autra equipa, van Schurter e Flückiger omadus a la partenza a Tokio per la Svizra e portan uschia er il medem tricot. Uschia pudessan els er gidar in l’auter en questa cursa ch'almain in dad els possia turnar a chasa cun ina medaglia.
Schurter e Flückiger na vegnan franc betg a cumbatter in encunter l’auter, mabain sustegnair in l’auter en questa cursa olimpica.
Per il trenader naziunal Bruno Diethelm èsi bunas perspectivas. Na reusseschi betg ad in trumf, sa el ch’el ha anc in segund.
Legenda:
Al campiunadi svizzer la fin matg a Gstaad n'ha Flückiger laschà nagina schanza a Schurter.
Andreas Wieland
