Ricardo Stupan è en ses terz onn dal giarsunadi da bostger. E malgrà la lavur intensiva corporala da l'entir di, hai la saira num dad ir al trenament da hockey e quai almain quatter giadas l'emna. Tant pli che l'attatgader dal CDH Engiadina ha da giugar en il derby engiadinais encunter l'EHC San Murezzan. Lura hai num barattar la resgia a motor cun la pala da hockey.
Layla Ratti – l'unica matta en ina equipa da mats
Suletta en ina rotscha da mats. Layla Ratti, la matta da 12 onns gioga cun grond plaschair hockey. Deplorablamain è ella la suletta matta sin il glatsch en l'equipa sut 14 onns. «Quai es voll ok. Ma fiss bel, sch'i fiss anc pliras mattas che giogan hockey», di Ratti.
Sia posiziun e davosvart, ella gioga sco defensura e sustegna uschè il golie. A Layla Ratti plascha questa posiziun bain, ella ha ina buna survista dal gieu che capita davantvart.
-
Bild 1 von 3. La matta da 12 onns – Layla Ratti. Bildquelle: mess a disposiziun.
-
Bild 2 von 3. Grazia al Hockey Grischun Sud – datti avunda giugaders/as. Bildquelle: mess a disposiziun.
-
Bild 3 von 3. U14 durant il trenament. Bildquelle: mess a disposiziun.
En las differentas equipas da junioras e juniors da Hockey Grischun Sud giogan tranter auter era uffants pli giuvens che 14 onns en ina equipa. La suletta matta en il ravugl da l’equipa dad U14 da Hockey Grischun Sud e Layla Ratti da Zuoz. Per ella è quai ina buna pussaivladad da dar il campiunadi da junioras e juniors sut 14 onns. L’equipa Hockey Grischun Sud unescha giugadras e giugaders da sis differents clubs da l’Engiadina e las valladas dal sid. Be uschia dispona la squadra dad avunda uffants per far part ad in campiunadi.
Tiziano Compagnoni: l'um en duas equipas
Ils emprims pass sin il glatsch ha Tiziano Compagnoni fatg tar il HC Poschiavo. En sia patria ha el cumenzà cun il sport da hockey. Pli tard ha el giugà tar l’equipa sut 17 onns dal EHC Cuira ed era en l’equipa sut 20 onns da Lai Valbella.
Enavos a Poschiavo ha el fatg il pass cun l’agen club da hockey en il hockey dals creschids. Las emprimas stagiuns ha el dà en la terza liga cun Poschiavo. Durant quel temp è alura er vegnì la dumonda dal trenader dal CDH Engiadina Benny Wunderer, sch’el avess interess da dar er en segunda liga cun il CDH Engiadina.
HC Poschiavo e CDH Engiadina il medem mument
Durant il settember e l'october dat Tiziano Compagnoni dapli gieus cun il CDH Engiadina. A partir da november cumenza alura er il campiunadi en terza liga ed il hockeyan da 24 onns gioga damain per Engiadina e dapli per il HC Poschiavo.
Suenter la dumonda dad Engiadina n’ha jau pensà: lascha pruvar.
Uschia po el dar durant ils mais da la stagiun da hockey per omaduas equipas. Per pudair dar en duas equipas dovri bler talent d’organisaziun. Quai ha Tiziano Compagnoni. El abita e studegia a Rapperswil e turna per ils trenaments adina a Poschiavo ni en Engiadina. Sche sias equipas dattan dentant in gieu ord chasa, saja quai pli simpel cun far il viadi. Proximamain il giugader cun la rolla dubla puspè il viadi en Engiadina, quai per giugar per il CDH Engiadina il derby cunter ils rivals da l'Engiadin'Ota.