Siglir tar il cuntegn

Header

video
Festa cun Alex Fiva a Cuira
Or da Telesguard dals 01.04.2022.
laschar ir. Durada: 5 minutas 9 Secundas.
cuntegn

Skicross Festa cun Alex Fiva a Cuira

In onn suenter ses titel da campiun mundial ad Idre en Svezia ha Alex Fiva gudagnà als davos gieus olimpics a Peking argient en il skicross. La gievgia saira è il sportist da 36 onns vegnì onurà amez Cuira per sias prestaziuns.

audio
Alex Fiva vegn beneventà a Cuira
ord Actualitad dals 01.04.2022.
laschar ir. Durada: 3 minutas 32 Secundas.

Alex Fiva è tranter auter vegnì beneventà dad Urs Marti, il president da la citad da Cuira, e dal cusseglier guvernativ Jon Domenic Parolini. Preschents èn er stads sia famiglia, amis, collegas d’equipa e fans dal skicrosser grischun ch’è naschì en ils Stadis Unids e creschì si a Parpan.

Dapi intgins onns viva el dentant cun sia famiglia a Cuira. Per ina surpraisa ha Nino Schurter procurà ch’ha gratulà a Fiva via telefon ord la Brasilia nua che Schurter parta en in’emna a l’emprima cursa da la cuppa mundiala en questa stagiun.

video
Il final da skicross als gieus olimpics a Peking
Or da Beijing 2022 Clips dals 18.02.2022.
laschar ir. Durada: 5 minutas 16 Secundas.

Er fatg festa cun Alex Fiva han commembers dals Calanda Broncos nua ch’il skicrosser ha giugà activ durant intgins onns sco er ses Club da skis Parpan. L’entir act festiv è vegnì embellì cun mussar maletgs ord sia carriera, cun musica e cocktails.

video
Regez e Fiva cun aur ed argient a Peking
Or da Beijing 2022 Clips dals 18.02.2022.
laschar ir. Durada: 5 minutas 24 Secundas.

Actualitad 17:00

Artitgels legids il pli savens