Siglir tar il cuntegn

Header

cuntegn

Skicross Aur per Alex Fiva ed argient per Fanny Smith

Il grischun Alex Fiva daventa campiun mundial da Skicross.
Legenda: Keystone

Il Grischun Alex Fiva gudogna la medaglia d'aur al campiunadi mundial da skicross. Cunquai gudogna el l'emprima medaglia tar in campiunadi mundial. En il final ha Fiva battì François Place da la Frantscha e Erik Mobaerg da la Svezia. Quai è l'emprima medaglia svizra en in campiunadi mundial da skicross dals umens insumma. Avant dus onns aveva l'um da 35 onns anc fatg il 4. plaz.

video
Fiva: «I è stà in cumbat – da sisum enfin giusut.»
Or da Sport-Clip dals 13.02.2021.
laschar ir. Durada: 1 minuta 1 Secunda.

Smith gudogna per la terza giada en seria argient

Tar las dunnas gudogna la Svizra Fanny Smith che valiva sco ina da las favuritas, la medaglia d'argient. Talina Gantenbein da Scuol ha manchentà en il final ina plazza da podest, ella vegn quarta.

RTR novitads 14:00

Artitgels legids il pli savens