Siglir tar il cuntegn

Header

Uffants che fan cursa da skis
Legenda: Uffants en fevra da cursa na datti forsa betg quest enviern Mini-Cups, JO-Cups e BSV-Cups per uffants e giuvenils sut 16 onns sin ballantscha Keystone
cuntegn

Skis Enviern senza fevra da cursas per uffants

Pervia da la pandemia da corona ha il Cussegl federal scumandà ad interim cursas per uffants e giuvenils sut 16 onns. In enviern senza cursas fiss surtut fatal per talents che van ils ultims onns a scola e ch'han ambiziuns da daventar profi.

Bain pussaivel ch'i dat in enviern senza tensiun e fevra da cumbat e sa mesirar per tschients d'uffants. Saja quai cun skis, passlung, snowboard, etc. Il conclus dal Cussegl federal en temp da corona scumonda tuttas cursas d'uffants e giuvenils fin 16 onns.

In enviern senza cursas na vul nagin - nus duvrain in plan B
Autur: Remo VeraguthSchef alpin SST Surselva

En Surselva han ils responsabels tar l'SST decidì da trenar vinavant sco sch'i dess ina stagiun normala da cursas. Nagin sa, co l'entira pandemia da corona sa sviluppescha e quant ditg che il «ad interim» che Berna ha decidì vegn a cuzzar e sche e cura ch'i dat eventual in nov conclus che lubescha singulas cursas. Tenor Remo Veraguth, il schef alpin tar il Team da sport Surselva SST, stuess cun concepts da segirtad rigurus ed eventualmain separar (in di buobs e l'auter las mattatschas) ina u l'autra cursa esser realisabla.

Sch'i dat propi in enviern senza Mini-Cup, JO-Cup, BSV-Cup, cursas naziunalas ed interregiunalas U16, sa tschenta era la dumonda, co selecziunar per in cader pli aut, sch'ils resultats sin palpiri mancan. E na emblidar la motivaziun dals giuvenils che treneschan dir. Quels vulan sa mesirar e mussar prestaziun e lavuran vid lur siemi da forsa pudair far lur sport a moda professiunala.

Davos las culissas ed ensemen cun la Federaziun grischuna da skis vegn en mintga cas rotà pulit per cuntanscher in'eventuala midada dal conclus. Sa chapescha adina era cun la sanadad en mira e che quella na vegn betg periclitada en il temp da Covid-19.

RTR actualitad 07:00

Artitgels legids il pli savens

Scrollar a sanestra Scrollar a dretga