Radund trenta dunnas, intgins uffants ed er in u l'auter um èn s'inscuntrads la dumengia ad Ardez per sa solidarisar cun dunnas che han u han gì cancer dal sain. La cumpagnia è chaminada radund 5 kilometers dad Ardez sur Chanoua sin la via da Ftan. Da là enavos en cumin lura sur staziun e Cutüra puspè enavos en cumin.
L'idea dal Pink Ribbon Walk
Adina l'entschatta settember curran u chaminan dunnas al Pink Ribbon Walk per sa solidarisar cun las dunnas pertutgadas dal cancer dal sain. Ils ultims onns ha l’acziun Pink Ribbon Walk gì lieu adina a Turitg cun il final en il stadion Letzigrund. Pervi dal coronavirus n'è quai quest onn betg stà pussaivel en in rom pli grond.