Gudagnà il titel da campiun svizzer tar ils umens d’elita ha Ueli Schnider, ch’è partì ensemen cun Erwan Käser. Tar las dunnas han triumfà il duo cun Anja Weber e Siri Wigger.
audio
Giuliana Werro e Fabiana Wieser vegnan 6avlas
ord Sport ed actualitad dals 28.03.2021.
laschar ir. Durada: 3 minutas 19 Secundas.
Ina buna prestaziun han er las duas Engiadinaisas Giuliana Werro e Fabiana Wieser mussà. Ellas duas, ch’èn partidas per il team Sarsura Zernez, han cuntanschì l’arrivada sco 6avlas.
Podest per ils indigens
En la categoria dals juniors sut 20 onns han ils dus matadors locals Cla-Ursin Nufer e Fadri Schmid cuntanschì in plaz da podest.
audio
plaz da podest per Fadri Schmid e Cla-Ursin Nufer
ord Sport ed actualitad dals 28.03.2021.
laschar ir. Durada: 1 minuta 59 Secundas.
Il duo Tujetschin ha terminà il sprint d’equipa sin il terz plaz ed uschia gudagnà bronz sin lur loipa da chasa. Gudagnà la cursa tar ils juniors U20 han ils dus fragliuns Isai e Noe Näff da Scuol.
