Siglir tar il cuntegn

Header

audio
Igl è dumagnà – Discurs cun Giusep Alig suenter l'etappa finala a Tavau.
Or da Actualitad dals 23.08.2020.
laschar ir. Durada: 03:55 minutas.
cuntegn

Swiss Epic 2020 Giusep Alig: «Igl è stà dir»

Il Swiss Epic n’è betg ina cursa per mintgin. Questa cursa d’etappas ch’ha manà quest onn da Laax sur Arosa fin a Tavau è in cursa extrema, ina da las pli diras e pretensiusas cursas da mountainbike insumma. Giusep Alig (63) da Vrin è in da bun 360 ch’ha dumagnà il Swiss Epic 2020.

Giusep Alig che va en in onn en pensiun è sa participà al Swiss Epic ensemen cun Reto Caviezel, oriund da Vrin. Sut il num «Lumnezia Capricorns» han els dumagnà las tschintg etappas cun total bunamain 350 kilometers e passa 12’000 meters differenza d’autezza en exact 28 uras.

Mintga di vegnan ins pli e pli stanchel ed il davos fa simplamain tut mo pli mal.
Autur: Giusep Aligparticipant Swiss Epic

Giusep Alig ha cumenzà pir cun 39 onns a far sport. Oz è quai dentant daventà ina gronda passiun. E malgrà ch’i saja stà dir a quest Swiss Epic, la satisfacziun saja stada gronda ina giada ch’els hajan gì cuntanschì l’arrivada, ha ditg Giusep Alig. Ma ins stoppia morder di per di. Sch’el saja en in onn puspè a la partenza, gliez na possia el anc betg dir.

Actualitad 17:00

Artitgels legids il pli savens

Scrollar a sanestra Scrollar a dretga