Siglir tar il cuntegn

Header

audio
Andrin Beeli ha stuì sa decider tranter il Swiss Epic ed il Swiss Bike Cup
Or da Actualitad dals 19.08.2020.
laschar ir. Durada: 03:02 minutas.
cuntegn

Swiss Epic Andrin Beeli: «Quai n’è betg stà ina simpla decisiun»

Il num Andrin Beeli ha ditg figurà sin la glista da partenza dal Swiss Epic. Il davos mument ha il mountainbiker da Sagogn stuì desister sin la cursa da tschintg etappas da Laax sur Arosa fin a Tavau. Beeli sa concentrescha sin la terza cursa dal Swiss Bike Cup a Gstaad.

Cun ir a la partenza la sonda a Gstaad vul Andrin Beeli salvar la schanza da sa qualifitgar per il campiunadi mundial da mountainbike l’entschatta october a Leogang en l’Austria.

Per mai n’èsi betg chapaivel ch’ils organisaturs da questas cursas n’han betg chattà ina meglra schliaziun che da fixar quellas la medema fin d’emna.
Autur: Andrin Beelimountainbiker

I fetschia dentant schon mal da stuair persequitar il Swiss Epic mo a l’ur, di Andrin Beeli. Era perquai che la cursa maina puspè tras il Grischun. E gist l’emprima etappa a Laax fiss stada sia etappa da chasa, in’etappa sin trutgs nua ch’el enconuscha quasi mintga crap e mintga ragisch.

La proxima schanza da sa participar al Swiss Epic ha Andrin Beeli gia l’onn proxim. Questa cursa d’etappas resta fin il 2023 en il Grischun.

Actualitad 17:00

Artitgels legids il pli savens

Scrollar a sanestra Scrollar a dretga