Ils differents campiunadis da hockey en las ligas pli bassas èn a fin. Uschia er il campiunadi dal CDH Engiadina u da l’equipa da dunnas dal CDH Engiadina – da las Hockey Chicas Engiadina.
Tuttina datti anc ina giada hockey en la halla da glatsch Gurlaina a Scuol. Questa giada dentant en furma dad in turnier. Il turnier da hockey «Fun Festival» nua che amias ed amis dal sport da hockey, dentant era sponsuras e sponsurs dal CDH Engiadina u auters interessents, pon anc ina giada trair èn la montura da hockey.
Igl e bel da vesair che largezza che nus vain cuntanschi cun il turnier
Giuven e vegl, umens e dunnas
11 equipas èn questa giada da la partida tar il turnier a Scuol. Da quai da 130 amias ed amis dal sport da hockey vegnan a dar las differentas partidas. Giugà vegn tenor il reglamaint da seniors. Vul dir senza contact cun il corp.
Il turnier a Scuol duai marcar la fin da la stagiun, dar a las participantas ed ils participants anc ina giada la pussaivladad dad ir cun patins, e betg il davos era carmalar amias ed amis dal sport da hockey da magari s’engaschar tar il club.