En la Women's League han las HCD Ladies pudì festivar in'ulteriura victoria cunter Lugano cun 5:1. Uschia han las dunnas da Tavau pudì repeter lur victoria cunter las dunnas da Lugano dad ier nua ch'ellas han gudagnà cun 6:1.
Suenter che las dunnas da Tavau han sajettà in gol en l'emprim terz èn ellas vegnidas en furma ed han en il segund ed il davos terz sajettà mintgamai dus gols. Survegnì han ellas be in en il segund terz.
Gia sonda gudagnà cunter Lugano
Gia la sonda han las dunnas da Tavau gudagnà cunter Lugano - quai cun 6:1. Suenter dus terzs manava Tavau cun 3:0. En l'ultim terz han ellas gist anc pudì sajettar trais gols, survegnì han ellas be in.
Rangadas èn las HCD Ladies sin plazza sis da la pli auta liga da hockey da dunnas en Svizra. En tut giogan otg equipas en la Women's League.
