Siglir tar il cuntegn

Header

audio
7 medaglias al campiunadi mundial da skis - ina resumaziun
Or da Actualitad dals 27.12.2023. Maletg: RTR
laschar ir. Durada: 5 minutas 4 Secundas.
cuntegn

Revista 2023 Svizra – Meglra naziun als campiunadis mundials en Frantscha

Igl èn stads campiunadis mundials da skis gigantics per la delegaziun svizra a Courchevel e Méribel. Cun 7 medaglias, 3 da quellas dad aur, è ella stada la meglra naziun a quels mundials. Ord vista grischuna, in campiunadi mundial istoric, cun la medaglia d'aur da Jasmine Flury.

Jasmine Flury

La campiunessa mundiala da la cursa rapida a Courchevel-Méribel. Quai che n'èra anc mai gartegià en la disciplina roiala en la cuppa mundiala è gartegià en la pli impurtanta cursa da l'onn a l'atleta da Tavau Monstein. Jasmine Flury gudogna la medaglia d'aur e scriva era gist istorgia da skis per il Grischun ch'aveva enfin uss anc mai gì ina campiunessa mundiala da skis.

Marco Odermatt

Ed istorgia ha era Marco Odermatt scrit en Frantscha. Er el n'era en la cuppa mundiala anc mai stà sisum il podest d'ina cursa rapida. Als campiunadis mundials declassescha el la concurrenza e gudogna la medaglia dad aur. In pèr dis pli tard triumfescha Marco Odermatt er en il slalom gigant e piglia plaz en in club magari exclusiv. El è in dals paucs che gudogna duas giadas aur als medems campiunadis mundials e quai en duas disciplinas uschè differentas.

Las ulteriuras medaglias per la Svizra gudognan:

  • Loïc Meillard, argient en in slalom gigant,
  • Corinne Suter, bronz en la cursa rapida,
  • Wendy Holdener, agient en la cumbinaziun ed en l'event parallel.

Swiss Ski e ses atlets ed atletas termineschan ils campiunadis mundials da skis sco naziun numra 1. Ils proxims mundials èn lura l'onn 2025 a Saalbach en Austria.

RTR actualitad 08:00

Artitgels legids il pli savens