Tar il club da hockey da Berna datti ina roschada. L'Engiadinais Raeto Raffainer da La Punt daventa il nov CEO dal SC Berna. Quai munta ch'el è il nov um sin livel operativ dal club. Enfin uss era el directur da sport.
Raeto Raffainer è stà giugadur dal HCD, dals ZSC Lions e dal SC Berna. Plinavant è el stà schef da las equipas naziunalas ed enfin l'enviern 2021 schef da sport tar il Club da hockey da Tavau. A Berna succeda el a Marc Lüthi ch'è stà 24 onns il CEO. Lez daventa a partir da l'october president dal cussegl d'administraziun. El mida per motivs da sanadad dal mintgadi operativ sin livel strategic.
Ord l'archiv
Il 2019 era Raeto Raffainer daventà schef da sport tar il Club da hockey da Tavau.
video
Raeto Raffainer daventa schef da sport tar il HCD
Or da Telesguard dals 11.02.2019.
laschar ir. Durada: 1 minuta 11 Secundas.
