Suenter il terz plaz dad ier conferma Lara Gut-Behrami ch'ella è bain en furma. La Svizra gudogna il segund super-G a St. Anton cun in avantatg da 15 tschientavels sin la Taliana Federica Brignone. Quella aveva gudagnà il super-G dad ier. Sin plaz trais suonda la Taliana Marta Bassino.
Il podest
- Lara Gut-Behrami, 1:17,26 minutas
- Federica Brignone (ITA), +0,15 secundas
- Marta Bassino (ITA), +0,19 s
video
Prestaziun suverana da Lara Gut-Behrami
Or da Sport-Clip dals 15.01.2023.
laschar ir. Durada: 2 minutas 8 Secundas.
Las prestaziuns da las Svizras
En tut èn quatter Svizras en ils top 15. Joana Hählen ch'aveva fatg ier in suveran segund plaz n'ha oz betg gì fortuna. Ella è crudada or.
- 6. Michelle Gisin, +0,99 secundas
- 10. Corinne Suter, +1,25
- 11. Jasmine Flury, +1,38
- 14. Priska Nufer, +1,62
- DNF Joana Hählen
- DNF Juliana Suter
- DNF Stephanie Jenal
- DNF Delia Durrer
Vent ha sfurzà da rumper giu la cursa
Las davosas tschintg curriduras n'han betg pli pudì far la cursa. Pervia da vents ferms è la cursa vegnida rutta giu. Ils resultats valan dentant.
video
Vents ferms a St. Anton
Or da Sport-Clip dals 15.01.2023.
laschar ir. Durada: 1 minuta 57 Secundas.
