Il Svizzer Simon Ehammer ha gudagnà sco siglider en lung il final da la Diamond League a Eugene en ils Stadis Undis, cun in sigl dad 8,22 meters. Segund davos Ehammer è il Jamaican Tajay Gayle e terz è il Giapunais Yuki Hashioka.
En ils 14 onns ch'i dat la Diamond League ha Ehammer gudagnà sco emprim Svizzer in diamant, el survegn 30’000 dollars summa dal premi.
Eugene, il Mecca da l'atletica leva, para da purtar cletg a Simon Ehammer. Avant in onn al campiunadi mundial, aveva el gudagnà bronz en il sigl en lung.
