Suenter il duo da favuritas, ch'era gia avant in'emna a Levi sin il podest, è Wendy Holdener vegnida terza. L'atleta dal chantun Sviz, ch'era vegnida a Levi quarta e setavla, ha pers tar sia 42avla plazza da podest 0,83 secundas sin Shffrin. Igl è ina fitg buna prestaziun per la skiunza, che n'ha pervia da sia blessura vid ils mauns ditg betg savì trenar.
Segund meglra Svizra vegn Michelle Gisin. Cun bunamain duas secundas a mez retard vegn ella 11avla. Puncts a Killington datti er per Camille Rast sco 16avla ed Elelna Stoffel.
Il podest
- 1. Mikaela Shiffrin (USA) 1:38,33
- 2. Petra Vlhova (SVK) +0,75
- 3. Wendy Holdener (SUI) +0,83
Las ulteriuras svizras
- 11. Michelle Gisin + 2,59
- 16. Camille Rast +3,23
- 25. Elena Stoffel +4,75
Per Mélanie Meillard (33.) e Nicole Good (50.) è la cursa gia stada a la fin suenter l'emprim percurs.