Il podest
- 1. Dave Ryding (GB) 1:41.26
- 2. Lucas Braathen (NOR) +0.38
- 3. Henrik Kristoffersen (NOR) +0.65
Dave Ryding ha gudagnà surprendentamain sco emprim skiunz da la Gronda Britannia ina cursa da la cuppa mundiala. Dal slalom sin il Gamslerhang è el stà per 38 tschientavels pli spèrt ch'il Norvegiais Lucas Braathen. Terz è vegnì in ulteriur Norvegiais, Henrik Kristofferson. Meglier Svizzer è Loic Meillard sin plazza 7. Marc Rochat è vegnì 8avel e Luca Aerni 13avel. 7 Svizzers eran sa qualifitgads per il segund percurs. 4 da quels èn crudads ora; numnadamain: Noel von Grüningen, Sandro Simonet, Daniel Yule e Ramon Zenhäusern.
Suenter l'emprim percurs dal slalom dals umens a Kitzbühel manava il Talian Alex Vinatzer avant il Franzos Clément Noël ed il Norvegiais Sebastian Foss-Solevaag.
La dumengia suonda lura la cursa rapida al Hahnenkamm.