Gudagnà la cursa ha Mikaela Shiffrin dals Stadis Unids, avant Mina Holtmann Fürst da la Norvegia ed Anna Swenn-Larsson da la Svezia. Per las Svizras n'hai en l'ultim slalom da la stagiun betg tanschì per ina plazza da podest, ellas èn dentant vegnidas tranter las meglras diesch. Camille Rast ha fatg bun inqual rang en il segund percurs e vegnida otgavla, Michelle Gisin va sin plazza diesch. Mélanie Meillard è crudada or en il segund percurs.
Segunda victoria suenter il comeback
Mikaela Shiffrin mussa er en la segunda cursa suenter ses comeback en la cuppa mundiala ina buna prestaziun e gudogna er a Saalbach. Gia l'emna passada ad Are aveva ella distanzià la concurrenza. Gia lura era stà cler che l'Americana gudogna la culla pitschna da slalom.
A Saalbach-Hinterglemm èn questa e la proxima fin d'emna las ultimas cursas da la stagiun, pia il final da la cuppa mundiala dals umens e las dunnas. Il favrer 2025 han lieu a Saalbach-Hinterglemm ils campiunadis mundials da ski alpin.