L'Austriac Johannes Strolz gudogna il slalom dals umens ad Adelboden. Sia victoria è ina sensaziun. El è partì en l'emprim percurs cun il numer 38 ed è sa plazzà sin la setavla posiziun, e la fin finala gudagnà il classicher dal «Chuenisbergli». Pervia da mancanza da success era il skiunz da 29 onns vegnì bittà or dal cader austriac. Uss ha el mussà sia classa cun la victoria ad Adelboden.
audio
Reacziun da Johannes Strolz sin sia victoria.
ord RTR Audio dals 09.01.2022.
laschar ir. Durada: 13 Secundas.
Davos Strolz en sa plazzads Manuel Feller era da l'Austria ed il Tudestg Linus Strasser. Suenter l'emprim percurs era anc il Svizzer Luca Aerni sin plaz trais.
Quatter Svizzers en ils top 10
Ils Svizzers han mussà ina buna prestaziun da team cun quatter curriders en ils top 10. Sandro Simonet da Casti è crudà en il segund percurs.
- 4. Ramon Zenhäusern
- 5. Luca Aerni
- 6. Loïc Meillard
- 8. Daniel Yule
- 13. Tanguy Nef
- 18. Marc Rochat
- – Sandro Simonet
audio
Sandro Simonet al slalom ad Adelboden
ord Sport ed actualitad dals 09.01.2022.
laschar ir. Durada: 2 minutas 33 Secundas.
