Siglir tar il cuntegn

Header

cuntegn

Cursas da skis ad Adelboden Adelboden è pront per las cursas dal «Chuenisbärgli»

Suenter in onn senza public datti questa fin d’emna puspè il spectacul al «Chuenisbärgli» cun public. Sa chapescha ch'ils skiunzs svizzers vulan procurar per ina festa da skis.

L’aura ha fatg quitads era als organisaturs da la cursas da la cuppa mundiala ad Adelboden. Il december aveva quai dà ina pulita cuverta da naiv. Pervi da las temperaturas da primavaira sur la midada da l’onn è quella dentant vegnida adina pli fina. Era sche la pista da cursa e fatga cumplettamain cun naiv artifiziala, ha quella patì pervi da las temperaturas autas. Uss èsi però puspè vegnì fraid ad Adelboden e la cuverta da naiv è vegnida fitg dira e cumpacta. Perfetga per ina cursa da skis.

audio
L'atmosfera avant il slalom gigant
aus Actualitad vom 08.01.2022.
abspielen. Laufzeit 6 minutas 24 Sekunden.

Tuts encunter Marco Odermatt

Il skiunz svizzer e segiramain il grond favurit per la victoria dal slalom gigant dad Adelboden. Odermatt ha gudagnà trais dals emprims quatter slalom gigants da la stagiun. L’onn passà aveva il skiunz svizzer gia fatg il sigl sin il podest. Alura è Marco Odermatt numnadamain vegnì terz. Ina victoria tar las cursas «da chasa» fiss ina gronda chaussa ed il tun da partenza per ina festa da skis ad Adelboden. L'ultim Svizzer ch'ha gudagnà en la Part Sura Bernaisa il classicher dal slalom gigant è stà il Grischun Marc Berthod l’onn 2008 .

Cursas cun public

Questa giada èn era visitaders puspè da la partida tar las cursas dad Adelboden. Ils fans da skis san vegnir en resguardond las reglas da 3G al pe dal «Chuenisbärgli». Davent da l’entschatta han ils organisaturs dentant calculà cun pli pauca glieud. Uschia è la tribuna principala en l’arrivada concepida mo per 5’000 persunas.

RTR actualitad 08:00

Artitgels legids il pli savens

Scrollar a sanestra Scrollar a dretga