Mikaela Shiffrin ha gudagnà era il segund slalom gigant a Kronplatz en l’Italia. In di suenter che l’Americana ha realisà il record da victorias en la cuppa mundiala da las dunnas, po Shiffrin purtar a chasa sia 84avla victoria.
Segunda è vegnida la Norvegiaisa Ragnhild Mowinckel e terza la Svedaisa Sara Hector. Lara Gut-Behrami è stada la pli svelta en il segund percurs. Ella ha fatg bun 8 plazzas ed è vegnida 5avla. Andrea Ellenberger è vegnida 20avla, Simone Wild 21avla e Camille Rast 26avla.
