La Franzosa Tessa Worley gudogna il slalom gigant a Lai. Suenter l'emprim percurs era ella anc terza cun in retard da 0,16 secundas. En il segund percurs ha ella dentant dominà. Sin plaz dus sa tschenta Federica Brignone da l'Italia, plaz trais va a la Svedaisa Sara Hector, ch'era emprima suenter l'emprim percurs.
Meglra Svizra è Michelle Gisin cun plaz 5.
Il podest
- Tessa Worley (FRA), 2:02,35 minutas
- Federica Brignone (ITA), +0,29 secundas
- Sara Hector (SWE), +0,31
Las prestaziuns da las Svizras
- 5. Michelle Gisin, +1,24 secundas
- 8. Wendy Holdener, +1,64
- 12. Camille Rast, +2,82
- 23. Simone Wild, +4,22
- 24. Vivianne Härri +4,76
- OUT Andrea Ellenberger
Vanessa Kasper, Jasima Suter e Priska Nufer n'èn betg sa qualifitgadas per il segund percurs.
Lara Gut-Berahmi betg partida
Lara Gut-Behrami desista oz sin la partenza al slalom gigant a Lai. Cun sa stgaudar haja ella sentì in culp sin il schanugl. Plinavant sa senta ella stancla. Ord motivs da precauziun desista ella perquai sin la terzultima cursa en la disciplina. Tar il super-G da las sonda ha Lara Gut-Behrami fatg in terz rang.
