Siglir tar il cuntegn

Header

Vanessa Kasper:
Legenda: Vanessa Kasper: L'Engiadinaisa ha manchentà be per pauc il segund percurs sin la pista nua ch'ella è cupitgada grevamain avant quatter onns. Keystone
cuntegn

Slalom gigant a Lai Vanessa Kasper: «Puspè quels stoda tschientavels»

La skiunza engiadinaisa parta dapi quella stagiun regularmain en la cuppa mundiala – principalmain en sia disciplina da parada, il slalom gigant. Tanschì per puncts hai però sulet al slalom gigant da Kronplatz en l’Italia la fin schaner. Er questa fin d'emna a Lai n'hai betg bastà.

audio
Intervista cun Vanessa Kasper a Lai
ord Sport ed actualitad dals 06.03.2022.
laschar ir. Durada: 3 minutas 21 Secundas.

Savens han mancà be paucs tschientavels per sa qualifitgar per il segund percurs – uschia er al slalom gigant da chasa a Lai. Vanessa Kasper ha terminà l’emprim percurs sin plazza 34. Vegnida franada sin questa pista Silvano Beltrametti al pe dal Rothorn è la skiunza da 25 onns dentant er dal fatg, ch’ella era cupitgada grevamain sin questa pista avant quatter onns e rut la stgaina e l’oss dal ventrigl. Pervia da quest accident saja ella er ida cun grond respect a la partenza, uschia la skiunza da Schlarigna.

I restan anc intginas cursas

Tuttina ha Vanessa Kasper pudì far in pass enavant en questa stagiun e spera uss anc da pudair mussar intginas bunas cursas – tant en la cuppa mundiala sco lura er en la cuppa d’Europa e sco finiziun al campiunadi svizzer la fin da mars a San Murezzan, quasi avant ses isch-chasa.

RTR actualitad 17:00

Artitgels legids il pli savens

Scrollar a sanestra Scrollar a dretga