Il podest:
- Filip Zubcic (CRO) 2:20,62
- Mathieu Faivre (FRA) + 0,40
- Stefan Brennsteiner (AUT) + 0,93
Gudagnà la cursa dad oz ha il Croat Filip Zubcic. Quai cun quatter tschientavels avantatg sin il Franzos Mathieu Faivre ch'aveva manà suenter l'emprim percurs. Terz è vegnì l'Austriac Srefan Brennsteiner. El è stà la gronda surpraisa da la cursa dad oz. Cun il numer 24 ha el dumagnà en l'emprim percurs sin plaz 5.
Per ils Svizzers n'hai betg tanschì per il podest. Marco Odermatt e Loïc Meillard èn dentant en ils top 10. Nagin dals Svizzers è crudà or en il segund percurs. Odermatt ha er pudì sa meglierar da plaz 6 sin 5 en il segund percurs. Ma en il cumbat per la culla pitschna sto el supportar ina schleppa, damai che Alexis Pinturault, che maina il classament è vegnì quart.
Ils Svizzers:
- 5. Marco Odermatt
- 8. Loïc Meillard
- 13. Justin Murisier
- 21. Gino Caviezel
- 25. Semyel Bissig
