A Kranjska Gora en la Slovenia gudogna la Canadaisa Valérie Grenier il slalom gigant da la cuppa mundiala. Lara Gut-Behrami perda be 37 tschientavels e dumogna uschia sin il podest sco segunda.
Il podest:
- Valérie Grenier (CAN) 1:50,51 minutas
- Lara Gut-Behrami (SUI) +0,37 secundas
- Federica Brignone (ITA) +0,51 secundas
La Slovena Petra Vlhova ch'era davant suenter l'emprim percurs, è crudada davos Brignone sin plazza quatter.
Michelle Gisin, la segunda Svizra ch'ha cuntanschì il segund percurs sa tschenta sin plazza 20 cun 2,69 secundas retard sin Grenier. Autras Svizras n'han betg cuntanschì il segund percurs.
