Marco Odermatt va era en il segund slalom gigant a Kranjska Gora sisum il podest. E questa 6avla victoria da slalom gigant en questa stagiun munta era ch'il Svizzer gudogna la culla pitschna.
Sin il podest èn sco il di avant ils medems dus skiunzs, Alexis Pinturault e Henrik Kristoffersen – simplamain en la successiun cuntraria. Per pauc dasper ils top 10 sa rangheschan Loïc Meillard (11.) e Gino Caviezel (12.). Thomas Tumler sa meglierescha per 9 plazs, e terminescha la cursa sco 16avel.
- 1. Marco Odermatt (SUI) 2:20.91 minutas
- 2. Henrik Kristoffersen (NOR) +0.32 secundas
- 3. Alexis Pinturault (FRA) +0.70
Ils ulteriurs Svizzers:
- 11. Loïc Meillard +3.20 secundas
- 12. Gino Caviezel +3.24
- 16. Thomas Tumler +4.13
- 27. Justin Murisier +4.93
video
Il segund percurs da Gino Caviezel
Or da Sport-Clip dals 12.03.2023.
laschar ir. Durada: 1 minuta 9 Secundas.
Livio Simonet è crudà ora en il segund percurs, Fadri Janutin gia en l'emprim percurs. Betg sa qualifitgads per il segund percurs èn Danielle Sette (32.) e Semyel Bissig (36.).
