Tar il slalom gigant a Jasna en la Slovachia dominescha la Svedaisa Sara Hector. L'avantatg dad ina secunda sin Mikaela Shiffrin en l'emprim percurs po ella anc augmentar sin 1,43 secundas.
Sco meglra Svizra sa tschenta Lara Gut-Behrami cun in retard da 4,49 secundas sin plazza sis.
Il podest:
- Sara Hector (SWE) 2:17,80 minutas
- Mikaela Shiffrin (USA) +1,52 secundas
- Alice Robinson (NZL) +2,71
Las Svizras:
- 6. Lara Gut-Behrami +4,49
- 9. Camille Rast +5,03
- 13. Mélanie Meillard +6,45
- 17. Simone Wild +6,85
- 20. Jasmina Suter +7,08
Vlhova cupitgada e sa blessada
Per la matadora locala Petra Vlhova è la stagiun da skis a fin anticipadamain. Da sia cupitgada en l'emprim percurs dal slalom gigant saja la Slovaca da 28 onns sa blessada grevamain vi dal schanugl: Ella haja rut il liom curschà ed il liom intern dal schanugl dretg. Quai ha communitgà ses trenader.
video
Vlhova croda ora a Jasna
Or da Sport-Clip dals 20.01.2024.
laschar ir. Durada: 1 minuta 10 Secundas.
