Siglir tar il cuntegn

Header

Parallelslalom-Piste für Snowboarder in Scuol
Legenda: RTR
cuntegn

Slalom parallel Trumpada per atlets svizzers a Scuol

Tar las cursas da la cuppa mundiala da snowboard a Scuol ha l'equipa svizra trumpà. Julie Zogg e Ladina Jenny èn crudadas ora en l'otgavel finals dal slalom parallel. Ils umens n'han insumma betg dumagnà la qualificaziun. Gian Casanova è vegnì 20avel e Dario Caviezel è crudà ora.

Tar las dunnas ha la finala gudagnà Lucia Dalmasso da l'Italia, avant sia cumpatriota Jasmin Corrati e la Giapunaisa Tsubaki Miki. En il classament general è Julie Zogg sin plazza 6 e Ladina Jenny sin plazza 10. A la testa è Ramona Hofmeister da la Germania.

Gewinnerinnen des Snowboard-Parallelslaloms in Scuol.
Legenda: Da Sanester: Jasmin Coratti, Lucia Dalmasso e Miki Tsubaki. Keystone

Era duas indigenas èn stadas da la partida

Manchentà per pauc la fasa da k.o. han las duas indigenas Larissa Gasser da Madulain e Ricarda Hauser da Scuol. Gasser è vegnida 17aval e Ricarda Hauser 21avla. Per Hauser era quai gist il meglier resultat da la carriera.

Umens svizzers senza schanzas

Tar ils umens ha l'Austriac Benjamin Karl gudagnà avant il Sloven Tim Mastnak e l'Austriac Andreas Prommegger. Benjamin Karl è era a la testa dal classament general. Ils Svizzers Gian Casanova e Dario Caviezel èn sin plazza 15, respectivamain 18.

Gewinner des Snowboard-Parallelslaloms in Scuol.
Legenda: Da sanester: Tim Mastnak, Benjamin Karl, Andreas Prommenegger. Keystone

RTR novitads 16:00

Artitgels legids il pli savens