Dario Caviezel e Julie Zogg gudognan als campiunadis mundials da snowboard a Bakuriani la quarta medaglia. Il duo gudogna bronz tar l'event da team mixed en il slalom parallel.
En il final pitschen han il Grischun e la Songagliaisa battì cleramain Maurizio Bormolini e Lucia Dalmasso da l'Italia. Gudagnà ha il team Italia 2 avant l'Austria.
La qualificaziun dals umens en la disciplina Aerials, pia l'acrobatica sin skis, han ins danovamain stuì spustar. La raschun è il suffel ferm. La qualificaziun cun il quartett svizzer Noe Roth, Pirmin Werner, Nicolas Gygax ed Andrin Schädler avess gì lieu il mardiussa è ella da nov damaun, gievgia las indesch.
Ils campiunadis mundials da snowboard a Bakuriani en la Georgia cuntinueschan fin ils 5 da mars e fineschan cun ils finals da freestyle big air.
