Suenter l'argient avant 2 onns è Mikaela Shiffrin stada la pli sperta tar il slalom gigant da las dunnas als Campiunadis mundials a Courchevel / Méribel. Quai be in di suenter ch'ella ha finì la collavuraziun cun ses trenader Mike Day.
La campiunessa mundiala da la cumbinaziun Federica Brignoe da l'italia gudogna in'ulteriura medaglia sco segunda. Cun bronz a Ragnhild Mowinckel, va gia la 8avla medaglia en Norvegia.
- Mikaela Shiffrin 1:02:54
- Federica Brignone +0,12 secundas
- Ragnhild Mowinckel +0,22 secundas
Gut Behrami manchenta puspè medaglia per tschientavels
La defaisa da ses titel sco campiunessa mundial n'è betg gartegiada a Lara Gut-Behrami. Ella ha puspè gì disfortuna cun ils tschientavels. Suenter che 4 tschientavels han mancà per la medaglia en il super-G, han mancà en il slalom gigant 9 tschientavels.
A las ulteriuras Svizras n'è betg grategià in exploit. Ellas han pers dapli temp en il segund percurs. Camille Rast, resta la segund meglra Svizra, ella croda dentant dal 12avel sin il 14avel plaz. Wendy Holdener n'è betg stada buna da repetter sia grondas prestaziun dal salom gigant parallel, ella è vegnida 18avla. Michelle Gisin na vegn vinavant betg sin turas, ella ha pers er en il segund percurs bler temp e vegn 28avla.
Las Svizras
- 4. Lara Gut-Behrami +0,64 secundas
- 14. Camille Rast +1,99 secundas
- 18. Wendy Holdener +2,32 secundas
- 28. Michelle Gisin 3,77 secundas
- Crodada ora en l'emprim percurs: Andrea Ellenberger
