L'emprima cursa da la stagiun dals skis dals umens ha stuì vegnir annullada. Suenter 47 skiunzs era il vent vegnì memia ferm per cuntinuar la cursa. Suenter ina pausa ha la giuria decis che la cursa vegnia annullada.
Dolurus per Odermatt e Grischuns
Be l'Austriac Marco «Blackie» Schwarz è stà pli spert che Marco Odermatt. Betg be per Odermatt ma er per ils skiunzs grischuns è l'annullaziun dolurusa. Gista trais dad els eran en ils top 15: Gino Caviezel sin plaz 5, Thomas Tumler da Samignun sin plaz 14 e Livio Simonet da Lai avess schizunt gì la schanza da far il meglier resultat da sia carriera, el fiss partì sco 15avel en il segund percurs.
In dus emnas datti las proximas cursas: dus cursas rapidas a Zermatt per il umens e dus slaloms a Levi per la dunnas.
